ನಮ್ಮ ಮನೆ

ನಮ್ಮ ಮನೆಯ ಮುಂದೆ ಒಂದು ಗಿಡವು ಬೆಳೆಯಿತು
ಗಿಡವು ಬೆಳೆದು ಮರವಾಗಿ ಹೂವು ಬಿಟ್ಟಿತು
ಹೂವು ಎಲ್ಲ ಹಣ್ಣು ಆಗಿ ಕೆಳಗೆ ಬಿದ್ದಿತು
ಕೆಳಗೆ ಬಿದ್ದ ಹಣ್ಣು ತಿಂದು ಹೊಟ್ಟೆ ಕೆಟ್ಟಿತು

ಹೊಟ್ಟೆ ಕೆಟ್ಟ ಕಾರಣಕ್ಕೆ ಮರವ ಕಡಿದರು
ಮರವ ಕಡಿದಮೇಲೆ ಅದರ ಸೌದೆ ಸುಟ್ತರು
ಸೌದೆ ಸುಟ್ಟ ಹೊಗೆಗೆ ಎಲ್ಲ ಕಣ್ಣು ಉರಿಯಿತು
ಕೆಮ್ಮು ಬಂದು ಆಸುಪತ್ರೆ ಪಾಲು ಆದೆವು

ಲೋಕವೆಲ್ಲ ಬೆಚ್ಚಗಾದ ಸುದ್ದಿ ಕೇಳಿತು
ನೀರು ಮಟ್ಟ ಸಗರದಲ್ಲಿ ಹೆಚ್ಚು ಆಗಿತ್ತು
ಇದನು ಕೇಳಿ ಮನೆಯಲೆಲ್ಲ ಎಚ್ಚರಾದರು
ಮನೆಯ ಮುಂದೆ ಚಿಕ್ಕದೊಂದು ಗಿಡವ ನೆಟ್ಟರು

ಗಿಡವು ಬೆಳೆದು ಮರವಾಗಿ ಹೂವು ಬಿಟ್ಟಿದೆ
ಘಮ್ಮನೆಂದು ವಾಸನೆಯನು ಹರಡಿಸುತ್ತಿದೆ
ಹಕ್ಕಿಗಳಿಗೆ ಮನೆಯು ಹೌದು ನಮ್ಮ ಈ ಮರ
ನಮ್ಮ ಉಸಿರು ಕೂಡ ಹೌದು ನಮ್ಮ ಈ ಮರ

ದಿನವು ಎದ್ದು ನೀರು ಹಾಕಿ ಇನ್ನೂ ಬೆಳೆಸುವ
ಗಿಡಮರಗಳ ಸಾಲು ಬೆಳೆಸಿ ನಾಡು ಉಳಿಸುವ
ನಾಡು ಸರಿಯೆ, ದೇಶ ಸರಿಯೆ, ಭೂಮಿ ಉಳಿಸುವ
ಪರಿಸರವನು ಚೆನ್ನ ಮಾಡಿ ನಾಳೆ ಉಳಿಸುವ

- Gaggy